Чăваш Республикин Пуçлăхĕ Михаил Игнатьев Культура ӗҫченӗсене саламлани
Чӑваш Республикин культурӑн хисеплӗ ӗҫченӗсем!
Сире професси уявӗпе саламлатӑп!
.jpg "Поздравление Главы Чувашской Республики Михаила Игнатьева с Днем работника культуры")
Культурӑн пуян еткерӗ, наци искусствин сайра тӗл пулакан хӑйне евӗрлӗхӗ тата Чӑваш Енре пурӑнакансен таланчӗ пирӗн тивлетлӗ тӑван ҫӗрӗмӗре Раҫҫей тулашӗнче те мухтава кӑларнӑ.
Паян Чӑваш Республики ҫӗршывӑн культура центрӗсенчен пӗри шутланать тата пултарулӑх шухӑшлавне пӗтӗҫтерекен, ӑна пурнӑҫа кӗртекен сайра йышши вырӑн пулса тӑрать.
Регионта ҫуллен пиншер культура мероприятийӗ йӗркеленсе иртет. Отрасль ӗҫченӗсен ырми-канми тӑрӑшулӑхӗ халӑх йӑли-йӗркине сыхласа упрама, тӑван ен культурине аталантарма, ҫамрӑк ӑрӑва ӑс-хакӑлпа илемлӗх хаклӑхӗсемпе туллин паллаштарма пулӑшать.
Чӑваш Ен Правительстви республикӑра пурӑнакан ҫынсене вӗсен пултарулӑх туртӑмне тивӗҫлӗн аталантармалли майсем туса парас тесе ҫине тӑрать. Кӑҫал регионта ялти темиҫе ҫӗнӗ культура ҫурчӗ тата ку чухнехи кинозалсем хута каймалла. Республикӑри районсенче культурӑпа кану учрежденийӗсене тӗпрен юсас тата хатӗр-хӗтӗрпе тивӗҫтерес ӗҫ малалла пурнӑҫланать.
Культурӑпа искусство ӗҫченӗсене професси ӑсталӑхӗшӗн тата суйласа илнӗ ӗҫе парӑннӑшӑн тав тӑватӑп. Пӗтӗм чунтан ҫирӗп сывлӑх, телей, пултарулӑхра ҫитӗнӳсем тата хавхалану, интереслӗ ҫӗнӗ проектсене пурнӑҫлама сунатӑп!
Чӑваш Республикин Пуҫлӑхӗ М. Игнатьев
