Чăваш Республикин Пуçлăхĕ Михаил Игнатьев Раҫҫей предпринимательлӗх кунӗ ячӗпе саламлани
Чӑваш Енӗн хисеплӗ предпринимателӗсем!
Сире Раҫҫей предпринимательлӗх кунӗ ячӗпе саламлатӑп!
Предпринимательсем – обществӑн пуҫаруллӑ, хастар пайӗ. Эсир питех те пысӑк пӗлтерӗшлӗ йышлӑ тӗллев пурнӑҫла-тӑр: наци экономикин ҫирӗплӗхне ӳстерме, ҫӗнӗ ӗҫ вырӑнӗсем йӗркелеме пулӑшатӑр, конкуренцие хавхалантаратӑр.
Бизнес пуҫарӑвӗсене пурнӑҫлама пулӑшасси, ӗҫлӗ климата лайӑхлатасси – Чӑваш Ен патшалӑх политикин приоритечӗсен шутӗнче.
Республикӑри предпринимательсене патшалӑх ҫулсерен самаях пысӑк пулӑшу кӳрет. Ҫавна пула пӗчӗк тата вӑтам бизнезсра вӑй хуракан ҫынсен йышӗ пысӑкланать, вӗсем туса кӑларнӑ таварсен тата халӑха кӳнӗ пулӑшу ӗҫӗсен, налукран кӗрекен укҫа-тенкӗ калӑпӑшӗ ӳсет.
Сире чун-чӗререн ӑнӑҫлӑ аталану, ҫирӗп сывлӑх тата малашлӑх планӗсемпе ҫутӑ шухӑшсене чыслӑн пурнӑҫлама иксӗлми вӑй-хал сунатӑп.
Чӑваш Республикин Пуҫлӑхӗ Михаил Игнатьев