Чăваш Ен Пуçлăхĕ Михаил Игнатьев Сывлӑх сыхлавӗн ӗҫченӗсен кунӗ ячӗпе саламлани
Сывлӑх сыхлавӗн хисеплӗ ӗҫченӗсем тата ветеранӗсем!
Професси уявӗ ячӗпе чун-чӗререн тата ӑшшӑн саламланине йышӑнсамӑр.
Врачпа медицина сестрин профессийӗ – чӑн-чӑн чун туртӑмӗ, вӑл хӑвӑн чун ӑшшине ыттисене ним юлмиччен пама, хӗрхенӳллӗ тата хуть хӑҫан та ҫынсене пулӑшма хатӗр пулма хистет.
Ҫын сывлӑхӗшӗн, халӑх пурнӑҫӗн пахалӑхӗшӗн тӑрӑшасси – Чӑваш Республикин патшалӑх политикин тӗп ҫул-йӗрӗсем.
Пирӗн граждансем лайӑх пахалӑхлӑ медицина пулӑшӑвӗпе пӗр чӑрмавсӑр усӑ курма пултарччӑр тесе эпир сирӗнпе нумай ӗҫ турӑмӑр. Республикӑра сывлӑх сыхлавӗн виҫӗ шайлӑ тытӑмне йӗркелесе ҫитернӗ: фельдшерпа акушер пункчӗсенчен тытӑнса пысӑк технологисемпе усӑ куракан хальхи вӑхӑтри инноваци центрӗсем таранах.
Юлашки икӗ ҫулта кӑна ку чухнехи 6 поликлиника уҫӑлнӑ. Чӑваш Ен тӗп хулинче пысӑк технологиллӗ ҫӗнӗ объект – Республикӑри клиника онкологи диспансерӗн хирурги корпусӗ – ӗҫлеме пуҫларӗ. Ядерлӑ медицина центрне тума тытӑннӑ.
Чӑваш Ен медицинине федераци шайӗнче те пысӑка хурса хаклаҫҫӗ. Сывлӑх сыхлав тытӑмӗн ӗҫ тухӑҫлӑхӗ енӗпе республика Раҫҫей Федерацийӗн 85 субъекчӗ хушшинче пиллӗкмӗш вырӑнта тӑрать.
Ҫапах та пирӗн тӗп ҫитӗнӳсем курӑмлӑрах – вӗсен шутӗнче пепкесем вилеслӗх кӑтартӑвӗн шайӗ ҫӗршывра чи пӗчӗккисенчен пӗри пулни, халӑх пурнӑҫӗн тӑршшӗ пысӑкланни, нумай пурӑнакансен шучӗ ӳсни.
Сире ырми-канми яваплӑ ӗҫӗршӗн, уҫӑ чунлӑ та ырӑ кӑмӑллӑ пулнӑшӑн чунтан тав тӑватӑп.
Хӑйсен пӗтӗм вӑй-халне сывлӑха сыхлас ӗҫе халалланӑ тата нимрен хаклӑ пӗлӗвӗпе пуян опытне хальхи ӗҫтешӗсене паракан ветерансене уйрӑммӑн тав туса хӑварас тетӗп.
Сире ҫирӗп сывлӑх, ӑнӑҫлӑх, телей тата пархатарлӑ ӗҫӗрте ҫитӗнӳсем сунатӑп!
Чӑваш Республикин Пуҫлӑхӗ Михаил Игнатьев