2017 çулхи çĕртме уйăхĕн 24-мĕшĕнче Чăваш Республикин вĕренÿ тата çамрăксен политикин министерстви чăваш чĕлхипе тата литературипе ирттернĕ пĕтĕм тĕнче олимпиадин çĕнтерÿçисене тата вĕсен вĕрентекенĕсене чысларĕ. Маттур ачасене вĕренÿ тата çамрăксен политикин министрĕ Юрий Николаевич Исаев дипломсем, парнесем пачĕ, вĕрентекенсене хисеп хучĕсем парса тав турĕ. Чăваш Патшалăх Канашĕн депутачĕ Олег Александрович Дельман ачасене дипломсемпе парнесем парса хавхалантарчĕ. «СВ-Пресс» издательство ушкăнĕн директорĕ, журналистсен союзĕн членĕ Александр Николаевич Вражкин парнесемпе савăнтарчĕ. Чăваш патшалăх гуманитари институчĕнчен те ятарлă парнесем пулчĕç. Чăваш наци конгресĕн пайташĕ Геронтий Лукиянович Никифоров çамрăксене ăнăçу сунчĕ.

Аса илтеретпĕр, 2017 çулта чăваш чĕлхипе тата литературипе ирттернĕ пĕтĕм тĕнче олимпиадин çĕнтерÿçи ятне çак ачасем тивĕçрĕç:

Андреева Регина Владиславовна, (Вăрнар районĕн Санарпуç вăтам шкулĕ). Вĕренекенĕ – Семенова Ирина Геннадиевна.

Васиков Павел Александрович (Тутар Республикин Аксу районĕн Анатриял вăтам шкулĕ). Вĕрентекенĕ – Максимова Галина Николаевна

Сергеева Любовь Сергеевна (Куславкка 2-мĕш вăтам шкулĕ). Вĕрентекенĕ – Егорова Надежда Николаевна.

Ядрицова Мария Витальевна (Йĕпреç 2-мĕш вăтам шкулĕ). Вĕрентекенĕ – Ядрицова Алена Андреевна.

Якимова Ираида Сергеевна (Тăвай районĕн ТурикасТушкил вăтам шкулĕ). Вĕрентекенĕ – Морякова Лидия Петровна.

Ярдухина Юлия Николаевна (Шупашкар 62-мĕш вăтам шкулĕ). Вĕрентекенĕ – Николаева Людмила  Петровна.

Олимпиада призерсем Çĕрпÿ, Шупашкар, Патăрьел, Вăрнар, Вăрмар, Йĕпреç, Элĕк, Тутар Республикин Çĕпрел, Чĕмпĕр облаçĕн Чăнлă, Пушкăрт Республикин Кăрмаскал районĕн, Шупашкар тата Çĕнĕ Шупашкар хулин маттурĕсем пулчĕç.

Чыслă тивĕçе малалла çирĕп тытса пыма çĕнтерÿçĕсене ăнăçÿ сунатпăр.

ФОТОРЕПОРТАЖ>>>

 Министерство образования и молодежной политики Чувашской Республики