Чăваш Республикин Пуçлăхĕ Михаил Игнатьев Пӗтӗм тӗнчери коопераци кунӗ ячӗпе саламлани
Потребительсен кооперацийӗн хисеплĕ ӗҫченӗсемпе ветеранĕсем тата пайҫисем!
Сире професси уявӗпе – Пӗтӗм тӗнчери коопераци кунӗ ячӗпе саламлатӑп!
Потребительсен кооперацийӗ Чӑваш Республикин социаллӑ пурнӑҫпа экономика аталанӑвне пысӑк тӳпе хывать. Отрасль предприятийӗсем суту-илӳпе обществӑлла апатлану сферисенче хастар ӗҫлеҫҫӗ, пулӑшу ӗҫӗсен тӗсӗсене анлӑлатаҫҫӗ, вӗсен пахалӑхне лайӑхлатаҫҫӗ.
Сирӗн тӑрӑшуллӑ ӗҫӗр ялта пурӑнакансене таварсемпе тата кирлӗ пек пулӑшупа тивӗҫтерсе тӑрассипе, чӗр тавар хатӗрлекен-тирпейлекен сыпӑка аталантарассипе, регионти апат-ҫимӗҫ хӑрушсӑрлӑхне тивӗҫтерессипе тата потребительсен рынокӗнче конкуренци хутлӑхне пулӑшса пырассипе ҫыхӑннӑ пысӑк пӗлтерӗшлӗ тӗллевсене татса пама пулӑшать.
Паян потребительсен кооперацийӗнче инноваци проекчӗсем хастарлӑн ӗҫе кӗреҫҫӗ, технологи оборудованине ҫӗнетес тата управлени ӗҫне автоматизацилес туртӑм вӑйланса пырать.
Сире пултаруллӑ ӗҫӗршӗн, хӑвӑр профессие чунтан парӑннӑшӑн тата ҫӳллӗ шайри социаллӑ яваплӑхшӑн тав тӑватӑп! Ҫирӗп сывлӑх, телей тата малашнехи ӑнӑҫусем сунатӑп!
Чӑваш Республикин Пуҫлӑхӗ Михаил Игнатьев