Чăваш Республикин Пуçлăхĕ Михаил Игнатьев Раҫҫей почтин кунӗ ячӗпе саламлани
Почта ҫыхӑнӑвӗн хисеплӗ ӗҫченӗсем тата ветеранӗсем!
Раҫҫей почтин кунӗ ячӗпе чун-чӗререн саламланине йышӑнсамӑр!
Раҫҫей почтин Чӑваш Енри филиалӗнче виҫӗ пине яхӑн ӗҫчен вӑй хурать. Сирӗн тӑрӑшулӑхӑра пула почта уйрӑмӗсен тытӑмӗ йӗркеллӗ аталанать, пулӑшу ӗҫӗсен тӗсӗсем йышлӑланаҫҫӗ, хальхи вӑхӑтри технологисем ӗҫе кӗреҫҫӗ.
Кӑҫал черете тытса пыма пулӑшакан тытӑма ӗҫе кӗртессипе ҫыхӑннӑ проект пурнӑҫланать, оборудование тата программа тивӗҫтерӗвне ҫӗнетмелли анлӑ ӗҫ вӗҫленет. Логистикӑпа технологи процесӗсене лайӑхлатни почтӑпа яракан япаласен ӳссе пыракан калӑпӑшне туллин пурнӑҫлама тата кӳрекен пулӑшу ӗҫӗсен пахалӑхне лайӑхлатма май параҫҫӗ.
Чӑваш Енре Раҫҫей почти хаҫат-журнал салатакан тӗп тытӑм шутланать. Хаҫат-журналпа тивӗҫтерсе тӑрас енӗпе республика Раҫҫейре 7-мӗш вырӑн йышӑнать.
Почта ҫыхӑнӑвӗн ӗҫченӗсене тӳрӗ кӑмӑлпа пурнӑҫлакан ӗҫӗшӗн чунтан тав тӑватӑп.
Сире тата сирӗн ҫывӑх ҫыннӑрсене чун-чӗререн ҫирӗп сывлӑх тата ырлӑх сунатӑп!
Чӑваш Республикин Пуҫлӑхӗ Михаил Игнатьев