Чӑваш Ен Пуҫлӑхӗ Михаил Игнатьев Вӗрентекенcен кунӗ ячӗпе саламлани
Хисеплӗ педагогсем тата пӗлӳ отраслӗн ветеранӗсем!
Професси уявӗ ячӗпе ӑшшӑн саламланине йышӑнсамӑр!
Вӗрентекен профессийӗ тивӗҫлипе чи пархатарлисен шутне кӗрет, вӑл пултаруллӑ тата пуҫаруллӑ пулма хистет. Ҫакӑ чӑннипех яваплӑ та хисеплӗ ӗҫ. Пысӑк ӑсталӑхӑра, тарӑн ӑсӑра, ырми-канми тӑрӑшулӑхӑра пула тата ачасене чунтан юратнӑран эсир ларма-тӑма пӗлмен пепкесемпе пурне те пӗлме тӑрӑшакан ачасенчен ӑслӑ та пултаруллӑ, ҫирӗп тӗллевлӗ, пурнӑҫра хӑйсен пултарулӑхӗпе туллин усӑ курма пӗлекен ҫынсем туса ӳстеретӗр, обществӑн тивӗҫлӗ членӗсемпе чӑн-чӑн патриотсене пӑхса ҫитӗнтеретӗр.
Пӗлӳ тытӑмне аталантарасси – Чӑваш Ен патшалӑх политикин тӗп ҫул-йӗрӗ. Республикӑри хуласемпе районсенче ку чухнехи инновациллӗ шкулсем ҫӗкленеҫҫӗ, классене ҫӗнӗ хатӗр-хӗтӗрпе пуянлатаҫҫӗ, ачасене вӗренме хавхалантармалли лайӑх майсем йӗркеленеҫҫӗ. Анчах темле пулсан та, вӗрентӳ ӗҫне чӑннипех кӑсӑк та илӗртӳллӗ тума, аудиторире ӗҫлӗ те пултаруллӑ лару-тӑру йӗркелеме тата ачасене пӗлӳ патне туртӑнтарма пуҫаруллӑ та харсӑр, хӑйӗн ӗҫне чунтан юратакан вӗрентекен кӑна пултарать.
Хаклӑ учительсем, сире хӑвӑрӑн професси тивӗҫне парӑннӑшӑн, вӗрентекен ӑсталӑхӗшӗн, ачасене парнелекен чун ӑшшишӗн чӗререн тав тума ирӗк парсамӑр.
Пурсӑра та ҫирӗп сывлӑх, телей, ырлӑхпа ӑнӑҫу сунатӑп! Сирӗн вӗренекенӗрсем хӑйсен пултаруллӑ ӗҫӗсемпе тата паллӑ ҫитӗнӗвӗсемпе Чӑваш Енпе юратнӑ Раҫҫее чапа кӑларма пултарччӑр!
Чӑваш Республикин Пуҫлӑхӗ Михаил Игнатьев