Чăваш Республикин Пуçлăхĕ Михаил Игнатьев Налук службин ӗҫченӗсен кунӗ ячӗпе саламлани
Налук службин хисеплӗ ӗҫченӗсем тата ветеранӗсем!
Сире професси уявӗ ячӗпе саламлатӑп!
Налук органӗсен тухӑҫлӑ ӗҫӗ-хӗлӗсӗр патшалӑха йӗркеллӗн аталантарма май ҫук. Отрасль ӗҫченӗсен ӗҫ кӑтартӑвӗсемпе республика бюджечӗн шайлашулӑхӗ, граждансен умӗнчи социаллӑ тивӗҫсене пурнӑҫласси тӳрремӗн ҫыхӑннӑ.
Республикӑри налук службин сотрудникӗсен професси ӑсталӑхӗпе принциплӑхне тата паха опытне пула налук тӳлевӗсенчен мӗнпур шайри бюджетсене кӗрекен укҫа-тенкӗ шайӗ курӑмлӑн ӳссе пырать. Ҫакӑ региона малалла аталантарас тӗллевпе йышӑннӑ патшалӑх программисене укҫа-тенкӗпе вӑхӑтра тивӗҫтерме пулӑшать, – ҫавна май ҫул-йӗр инфратытӑмӗ лайӑхланать, социаллӑ сфера объекчӗсем ҫӗкленеҫҫӗ, обществӑлла хутлӑхсем ҫӗнелсе улшӑнаҫҫӗ, халӑх пурнӑҫӗн пахалӑхне ӳстермелли тӗллевсем пурнӑҫланаҫҫӗ.
Налук служби хальхи вӑхӑтпа шайлашуллӑн аталанать: налук тӳлекенсемпе хутшӑнса ӗҫлемелли майсене лайӑхлатать, налук хурассипе тата пухассипе ҫыхӑннӑ ӗҫ-хӗле йӗркелесе пыма пулӑшакан ку чухнехи технологисене ӗҫе кӗртет.
Пур пек вӑй-хӑватӑр ӗҫ-хӗл кӑтартӑвӗсене татах та ӳстерме, умри тӗллевӗрсене ӑнӑҫлӑн пурнӑҫласа пыма пулӑшасса ҫирӗппӗн шанса тӑратӑп!
Пурсӑра та ҫирӗп сывлӑх, ырлӑхпа телей, ӗҫре ҫӗнӗ ҫӗнтерӳсем сунатӑп.
Чӑваш Республикин Пуҫлӑхӗ Михаил Игнатьев
