Раштав уйăхĕн 17-мĕшĕнче Чăваш Республикин Пуҫлăхĕ Михаил Игнатьев хăйĕн пулăшуҫи пулма Надежда Беловăна ҫирĕплетни ҫинчен калакан ĕҫ хутне алă пуснă.

Регион Ертӳҫи унăн малашнехи ĕҫĕ Чăваш Республикин Пуҫлăхĕн ĕҫ-хĕлне ҫутатассипе ҫыхăннине асăннă. Кулленех, кирек хӑш вăхăтра та ӗҫе хатĕр пулмаллине, професси пĕлĕвĕн шайне те ӳстерсе пымаллине каланă. 

Надежда Белова хăйĕн ăсталăхне малтан регионти телевиденире туптанă.  Студент чухнех питĕ маттур хĕрупраҫ пулнă.  Мускавра коммуникаци тытăмĕнче те сахал мар тăрăшнă. Каярахпа, Чăваш Ене таврăнсан, патшалăх службинче вăй хунă, пĕр сăмахпа каласан, ăста специалист валли таҫта та вырăн пулнă.

2017 ҫулта вӑл Пĕтĕм Раҫҫейри «Раҫҫей лидерĕсем» конкурса хутшăннă, унта 14 пин ытла ҫын хушшинче 62-мĕш вырăна тухнă. 

Михаил Игнатьев ăна пысăка хурса хакланă, пулас должноҫре паха ĕҫ опычĕ пысӑк пулӑшу кӳме пултарасса палăртнă.

Сӑмах май, Надежда Белова икĕ аслă пĕлӳ илнĕ. Унăн тавракурăмĕ пысăк пулни куҫкĕретех.

 Фоторепортаж