Чӑваш Республикин энергетика отраслӗн хисеплӗ ӗҫченӗсем тата ветеранӗсем!

Сире професси уявӗпе – Энергетик кунӗ ячӗпе пӗтӗм чунтан саламлатӑп!

Эсир питӗ кирлӗ ӗҫ тӑватӑр, унӑн кӑтартӑвӗсем Чӑваш Енре пурӑнакан кашни ҫыннӑн хӑтлӑ пурнӑҫӗшӗн те, регионӑн пӗтӗ­мӗшле аталанӑвӗшӗн те шутсӑр пӗлтерӗшлӗ.

Паян республикӑри энергетика комплексӗнче пысӑк ӑсталӑхлӑ специалистсем ӗҫлеҫҫӗ, вӗсем потребительсене энергипе пӗр кӑлтӑксӑр тата шанчӑклӑн тивӗҫтерсе тӑраҫҫӗ, промышленноҫа кал-кал ӳстерсе пымалли майсем йӗркелеҫҫӗ.

Чӑваш Ен энергетика вӑй-хӑвачӗ ҫулсерен пысӑкланать, отрасль предприятийӗсен производствӑпа технологи никӗсӗ ҫӗне­лет, малта пыракан технологисем ӗҫе кӗреҫҫӗ, генерацилекен ҫӗ­нӗ хӑватсем хута каяҫҫӗ. Ҫакӑ сире энергипе усӑ курассин калӑ­пӑшӗсем хӑвӑрт ӳссе пыракан лару-тӑрура умри пӗтӗм тӗллеве ӑнӑҫлӑн татса пама май парать тата экономикӑн чӑн секторне аталантарма лайӑх майсем тӑвать.

Мӗнпур энергетика ҫӑмӑл мар ӗҫӗшӗн тата професси ӑста­лӑхӗшӗн тав тӑватӑп.

Ҫирӗп сывлӑх, телей, ырлӑх, тухӑҫлӑ та кӑлтӑксӑр ӗҫлеме тата Чӑваш Енпе аслӑ ҫӗршывӑмӑр ырлӑхӗшӗн тӑвакан ӗҫӗрте ҫӗнӗ ҫитӗнӳсем сунатӑп!

Чӑваш Республикин  Пуҫлӑхӗ                                                Михаил Игнатьев