Чӑваш Республикин культурӑпа искусствӑсен хисеплӗ ӗҫченӗсем! Отраслӗн хаклӑ ветеранӗсем!

 Сире професси уявӗ ячӗпе саламлатӑп!

Культура отраслӗнче вӑй хума пысӑк пултарулӑхпа чун туртни, хас­тарлӑх тата курӑмлӑ ӗҫлеме пӗлни кирлӗ. Пуҫаруллӑ та пултаруллӑ ҫынсем пи­рӗн пурнӑҫа ҫутӑрах тата пуянрах тӑваҫҫӗ. Вӗсем пулӑшнипе эпир ис­кусство произведенийӗсен пӗлтерӗшне ӑнланса ӑса хыватпӑр, му­зыкӑпа, ли­тера­турӑпа, историпе, сӑрӑ ӳнерӗпе тӗплӗнрех те ҫывӑхрах паллашат­пӑр.

Культура тата йӑла-йӗрке сывӑ пулсан халӑх та чӗрӗ. Об­щест­вӑн пат­риотлӑхпа ҫемье хаклӑхӗсене вӑй парса тӑракан ӑс-хакӑл никӗ­сӗсене те вӗсемех хываҫҫӗ. Ҫав еткерлӗхӗн управҫисем вара шӑ­пах пултарулӑх спе­циаль­ноҫӗсене алла илнӗ ҫынсем шутланаҫҫӗ, вӗсем хӑйсен нумай ен­лӗ ӗҫӗпе пархатарлӑ ҫут ӗҫне малалла аталан­тараҫҫӗ.

Культура ӗҫченӗсем ҫитӗнекен ӑрӑва воспитани парас, рес­пу­бли­кӑра пурӑнакансен пултарулӑх вӑй-халне аталантарас енӗпе тӑвакан ӗҫ-ӗн пӗлтерӗшӗ калама ҫук пысӑк. Эпир Чӑваш Ен ҫӗршывӑн культура цен­трӗсенчен пӗри пулнипе мӑнӑҫланатпӑр, Пӗтӗм Раҫҫейри тата тӗн­чери фестивальсемпе конкурссенче тӑван регион чысне хӳтӗлекен уш­кӑн­семпе уйрӑм юрӑҫсен ҫитӗнӗвӗсемшӗн савӑнатпӑр.

Культурӑна аталантарасси тата пулӑшса пырасси яланхи пекех пат­ша­лӑхӑн тӗп тӗллевӗсен шутӗнче. Отрасль валли уйӑракан укҫа-тенкӗ калӑпӑшӗ ҫулсерен ӳссе пырать. Культу­рӑпа кану учре­ж­де­ни­йӗ­сен ты­тӑмне аталантарассипе тата культурӑпа искусство учрежде­нийӗсен пур­лӑхпа тех­ника никӗсне ҫирӗплетессипе ҫыхӑннӑ анлӑ ӗҫ малалла пы­рать.

Чӑваш  Ен культурӑн хисеплӗ ӗҫченӗсем! Эпир сире общество ата­ланӑвне пысӑк тӳпе хывнӑшӑн тата историпе культура еткерлӗхне ти­вӗҫ­лӗн сыхласа упранӑшӑн тав тӑватпӑр.

Пархатарлӑ ӗҫӗр сире савӑнӑҫ кӳтӗр тата сирӗн хӑвӑр чун ӑшшине, пул­тарулӑхӑрпа ӑсталӑхӑра парнелекен ҫынсен чыс-хисепне тивӗҫ­мелле пултӑр.

Сире пӗтӗм чунтан ҫирӗп сывлӑх, уяв кӑмӑл-туйӑмӗ, ырлӑх, пулта­рулӑхра ҫитӗнӳсем тата хавхалану сунатӑп!

Чӑваш Республикин  Пуҫлӑхӗ                                               Михаил Игнатьев