Пуш уйăхĕн 7-мĕшĕнче Чăваш Республикин Министрсен Кабинечĕн Председателĕ Иван Моторин 2018 ҫулта Республика кунне хатĕрленсе йĕркелӳ комитечĕн кулленхи ларăвне ирттернĕ.  Чăваш Республикин патшалăхăн тĕп уявне халалласа, «Волга-Янцзы» регионсен хушшинчи канашăн виҫҫĕмĕш ларăвне пирĕн республикăра ирттерме плана кĕртнĕ.

Чăваш Республикин Министрсен Кабинечĕн Председателĕн ҫумĕ – экономика министрĕ Владимир Аврелькин асăннă мероприятийĕн ятарлă кунне халлĕхе палăртманнине асăннă, килĕшӳ ĕҫĕсем пынине пĕлтернĕ.  Ҫак форум йăлана кĕнĕ Экономика форумĕпе пĕр килет, ҫавăнпа та кăҫал ăна улăштарса ҫакăн йышши ирттерме палăртса хунă.  Маларахри ҫулта ҫак «Волга-Янцзы» регионсен хушшинчи канаш ларăвĕ Ульяновск тата Хэфэй хулисенче иртнĕ.

Владимир Аврелькин пĕлтернĕ тăрăх, ҫак форума Атăлҫи федераци тăрăхне кĕрекен регионсем хăйсен куравĕсене хатĕрлесе тăратма килĕшнине палăртнă.  Йăлана кĕнĕ тăрăх, ҫĕртме уйăхĕн 23-24-мĕш кунĕсенче Шупашкар заливĕн хĕрринче фейерверксен фестивалĕ пуласси те паллă.  Хальлĕхе мероприятине 5 команда хутшăнма кăмăл тунă, вĕсем: Беларусирен, Китай Халăх Республикинчен тата ытти субъектсем.

Иван Моторин культура программине кăсăклă йĕркелеме чĕнсе каланă. Китай партнерĕсемпе пĕрле ятарлă мероприяти хатĕрлеме сĕннĕ. «Раҫҫей ҫăлкуҫĕсем» Пĕтĕм тĕнчери XXVI-мĕш фестивале халалланă пулăмра, Чăваш Республикин Пуҫлăхĕн парнисене ҫĕнсе илме ятарлă конкурс ĕҫĕ йĕркеленессине пĕлтернĕ Чăваш Ен культура министрĕ Константин Яковлев.  Кунсăр пуҫне регионта И.Я.Яковлев ҫуралнăранпа 170 ҫул ҫитнине асăнса тĕрлĕ мероприятисем плана кĕрессине палăртнă.  

Кăҫал ҫак мероприятисен планне тĕпрен ҫĕнетме тĕллев лартнă. Калăпăр, ҫĕртме уйăхĕн 23-мĕшĕнче фестивале хутшăнакансем регионти хуласемпе районсене ҫитсе курĕҫ, хăйсен пултарулăхĕпе халăха савăнтарĕҫ. Ҫĕртме уйăхĕн 24-мĕшĕнче Чăваш Республикин тĕп хулинче – Шупашкарта чаплă уяв концерчĕ пулĕ.

«Фестиваль ҫĕршывшăн пысăк пĕлтерĕшлĕ шутланать.  Чăваш Республикишĕн чăн-чăн бренд пулса тăчĕ.  Ҫулсерен ҫак мероприятине РФ 25 регионтан хутшăнаҫҫĕ», - тесе каланă Константин Яковлев.  «Русь мастеровая» конкурс кăҫал Сĕнтĕрвăрринче иртĕ. «Акатуй» Шупашкарта ҫĕртме уйăхĕн 23-мĕшĕнче пулать.

Чăваш Республикин Пуҫлăхĕн хушăвĕпе килĕшӳллĕн, Республика кунне халалласа Шупашкарта Ачасен хорĕ пуласси те паллă, унта вăтамран 1000 ҫын пулĕ.  

Уявăн планĕ пирки Шупашкар хулин администрацийĕн пуҫлăхĕн ҫумĕ Алла Салаева тата Красноармейски районĕн администрацийĕн пуҫлăхĕ Александр Кузнецов кĕсен каласа хăварнă.  Кун йĕркине кĕртнĕ ытти ыйтусене те пăхса тухнă, кашнинпех тивĕҫлĕ мерăсем йышăнса хăварнă. 

Фоторепортаж