Ака уйăхĕн 24-мĕшĕнче Чăваш Республикин Пуҫлăхĕ Михаил Игнатьев «Часовой у Знамени Победы» патриотизмла акцине торжествăлла майпа уҫнă ҫĕре хутшăннă.  

Паллă пулăма Ачасемпе ҫамрăксен культура керменĕнче йĕркелесе ирттернĕ. Унта Тăван ҫĕршывăн Аслă вăрҫинче Ҫĕнтерӳ тума пулăшнă сумлă ветерансем, кадетсен класĕсенче вĕренекенсем, Чăваш Республикинчи Обществăлла палатăн пайташĕсем, регионти ветерансен обществăлла организацисен представителĕсем тата та ытти официаллă ҫынсем пуҫтарăннă.

Акцине пухăннисене саламланă май, Михаил Игнатьев ҫакăн пек мероприятисем ҫитĕнекен ăрушăн ҫав тери пысăк пĕлтерĕшлĕ пулнине асăннă. Ветерансем те пĕтĕм чун-чĕререн хавхаланнине палăртнă. «Тăван ҫĕршывăн Аслă вăрҫин ветеранĕсен хăйсене сума сунни ҫинчен яланах туймалла.  Вĕсен паттăрла ĕҫĕ пирки яш-кĕрĕмĕн асра тытмалла», - тесе уйрăммăн палăртса хăварнă Чăваш Ен Пуҫлăхĕ.

Ҫак акцине пула, ачасенчен нумайăшĕ Ҫĕнтерӳ ялавĕн символĕ пирки тарăнрах тĕпчесе пĕлме пултараҫҫĕ. Тăван ҫĕршывăн Аслă вăрҫинчи Ҫĕнтерӳ пуриншĕн те историллĕ пулăм пулса тăчĕ.

 Аса илтерсе хăваратпăр, ҫак акцине тĕпе хурса, республикăри вĕренӳ учрежденийĕсенче тĕп символпа ятарлă мероприятисем чылай плана кĕртсе хăварнă.

«Ҫакăн евĕр акцисем ҫитĕнекен ăрăва пирĕн Тăван ҫĕршывăмăр историне тĕплĕнрех пĕлме витĕм кӳреҫҫĕ. Апла пулсан, эпир ĕмĕрех паттăр салтаксен чысне ҫӳллĕрен те ҫӳле ҫĕклесе упраса пыма вĕренсе пыратпăр. Аслă Ҫĕнтерӳ чăн-чăн пурнăҫ тĕревĕ пурсăмăршăн та!», - тесе палăртнă Чăваш Ен Пуҫлăхĕ Михаил Игнатьев.  Сăмаха май, ҫак кун Михаил Игнатьев сумлă ветерансене ҫамрăксене патриотизмла воспитани панăшăн мухтаса тав сăмахĕсем каланă. Аслă ҫулти ватăсем кулленех пĕтĕм кăмăлтан ҫамрăксемпе пĕрле тĕрлĕ калаҫусем йĕркеленине, вăрҫăн тумхахлă ҫулĕсем пирки яш-кĕрĕме ăнлантарса панине асăннă.  Ҫак ĕҫре офицерсем те пысăк тӳпе хывнине палăртнă. Ăнсăртран мар пулĕ, яшсем вăтам шкултан вĕренсе тухнă хыҫҫăн, ҫар ҫыннисем пулма ĕмĕтленеҫҫĕ, малалла аслă шкулсене ҫул тытаҫҫĕ. «Кадетсен юхăмĕнче ҫитĕнекен яш-кĕрĕм кăмăл-туйăм енчен хастар пулма вĕренет, ăс-хакăл тĕнчи те вĕсен пуянланать, вăй-хăват ӳссе пырать. Пуласлăх  пирки тарăн шутлаҫҫĕ. Пысăк тĕллевсем ума лартаҫҫĕ. Чăваш Республикинче Кадетсен шкулĕ ҫĕкленсе кĕҫех ларать.  Ун чухне ҫамрăксем валли тата та лайăхрах условисем пулĕҫ. Вĕсем шкулта тарăн пĕлӳ илĕҫ, тӳлевсĕр мĕнпур условисемпе усă курĕҫ», - тесе палăртса хăварнă Чăваш Ен Пуҫлăхĕ Михаил Игнатьев.

Тăван ҫĕршывăн Аслă вăрҫин ветеранĕ Юрий Петров уява пухăннисене ăшшăн саламланă.  «Пирĕн ҫĕршывăн ҫав тери хăватлă арми пур, хĕҫ-пăшаллă вăйсем ҫирĕп. Паттăр салтаксем Тăван ҫĕршва парăнни никамшăн та вăрттăнлăх мар, пурсăмăра та вĕсем чыслăн хӳтĕлеҫҫĕ. Наукăна яланах тĕпчеме, ăс-хакăл тĕнчине анлăлатма тăрăшăр. Хĕрлĕ ҫар тăшмана тĕпрен ҫапса аркатнине пĕлĕр», - тесе чĕнсе каланă ветеран уява пухăннă ентешсене саламланă май.

Мероприятине пухăннисене ҫакăн пекех Шупашкар хула пуҫлăхĕ Евгений Кадышев, Чăваш Республикин Обществăлла палатăн пайташĕ Николай Паштаев саламланă малашне те ăнăҫусемпе палăрма суннă.

Торжествăлла пай вĕҫленес умĕн, Тăван ҫĕршывăн Аслă ветеранĕсем Ҫĕнтерĕвĕн официаллă символĕн копине ҫамрăк яшсемпе хĕрсене чысланă, вĕсене хăйсем вĕренекен шкулсенче вырнаҫтарма сĕннĕ. Кашни шкул ачи Ҫĕнтерӳ пайне тытса унăн шăпи пирки тарăнрах пĕлме пултартăр тенĕ ветерансем.     

Фоторепортаж