Чăваш Республикин Пуçлăхĕ Михаил Игнатьев Радиопа телевиденин тата пӗтӗм ҫыхӑну отраслӗн ӗҫченӗсен кунӗ ячӗпе саламлани
Радиопа телевиденин тата пӗтӗм ҫыхӑну отраслӗн хисеплӗ ӗҫченӗсем!
Сире професси уявӗ ячӗпе саламлатӑп!
Информаци технологийӗсем вӑйлӑн аталанса пыни хальхи общество пурнӑҫне тӗпрен улӑштарчӗ. Массӑллӑ коммуникацисен хатӗрӗсем этеме ҫаврӑнӑҫуллӑрах пулма пулӑшаҫҫӗ, усӑллӑ тата кирлӗ информаципе хӑвӑртрах паллашма май параҫҫӗ.
Информатизаци ҫитӗнӗвӗсене пула паян халӑха ку чухнехи пулӑшу ӗҫӗсен йышлӑ тӗсӗсемпе тивӗҫтереҫҫӗ, пурнӑҫӑн тӗрлӗ сферинче пысӑк пӗлтерӗшлӗ тӗллевсем пурнӑҫланаҫҫӗ.
Ҫыхӑнупа телекоммуникаци хатӗрӗсене аталантарни цифра экономикине йӗркелеме, территорисен социаллӑ пурнӑҫпа экономикин малашнехи ӳсӗмне тивӗҫтерме тата вӗсен инвестици илӗртӳлӗхне ӳстерме лайӑх майсем хывать.
Тӳрӗ кӑмӑлпа пурнӑҫлакан ӗҫӗршӗн, республикӑра пурӑнакансене информаципе вӑхӑтра тата ҫыхӑнупа пӗр кӑлтӑксӑр тивӗҫтерсе тӑнӑшӑн, экономикӑна ҫирӗплетме тата халӑх пурнӑҫне лайӑхлатма пулӑшакан малта пыракан технологисене ӗҫе кӗртнӗшӗн тав тунине йышӑнсамӑр.
Сире пӗтӗм чунтан ӗҫре ҫӗнӗ ҫитӗнӳсем, пултарулӑхри тӗллевсене туллин пурнӑҫлама, ырлӑх тата ӑнӑҫу сунатӑп!
Чӑваш Республикин Пуҫлӑхӗ Михаил Игнатьев