Паян шурă Шупашкар 549-мĕш çуралнă кунне паллă турĕ. Тĕп хула кунĕнче уяв ячĕпе саламламашкăн пĕр-пĕр Раççей эстрада артистне чĕнесси йăлана кĕчĕ. Хальхинче пирĕн республикăна Игорь Николаев çитнĕ.

Çак самантра "Выпьем за любовь", "Дельфин и Русалка" тата ытти хитпа чапа тухнă юрăç, композитор Хĕрлĕ тýреме пуçтарăннисене концертпа савăнтарать. Игорь Николаев куракансен юратăвне çèнсе илнĕ чылай юррине шăрантарчĕ. Концерт хыççăн, йăлана кĕнĕ тăрăх, тýпере фейерверк çутисем ялкăшĕç.