Чăваш Республикин Пуçлăхĕ Михаил Игнатьев Финансист кунӗ ячӗпе саламлани
Финанс сферин хисеплӗ ӗҫченӗсем тата ветеранӗсем!
Сире Финансист кунӗ ячӗпе саламлатӑп!
Ҫак уяв, 2011 ҫулта туса хунӑскер, финанс сферин ӗҫченӗсен патшалӑхӑн финанс тытӑмӗн ҫирӗплӗхне тивӗҫтерес ӗҫри пӗлтерӗшне уҫӑмлӑн палӑртать. Финанс ресурсӗсене тухӑҫлӑ тытса пырса вӗсем социаллӑ пӗлтерӗшлӗ проектсем валли укҫа-тенкӗ уйӑрма, ҫӗршыв экономикине тӗреклетме пулӑшаҫҫӗ.
Чӑваш Республикинче пысӑк ӑсталӑхлӑ, палӑртнӑ тӗллевсене хӑвӑрт тата пахалӑхлӑн татса пама пултаракан финансистсем ӗҫлеҫҫӗ.
Республика обществӑлла укҫа-тенкӗне тытса пырас ӗҫӗн пысӑк тухӑҫлӑхне кашни ҫулах ӗненмелле ҫирӗплетет. Эпир бюджет даннӑйӗсен уҫҫӑнлӑх шайӗпе федерацин Атӑлҫи округне кӗрекен регионсем хушшинче 2-мӗш вырӑнта тӑратпӑр тата Раҫҫей Федерацийӗн малти ретри регионӗсен ушкӑнне кӗретпӗр.
Чӑваш Енре финанс политикине пӗлсе тата ӑнӑҫлӑ тытса пынине ҫавӑн пекех тӗнчери чи паллӑ рейтинг агентствисем палӑртакан лайӑх кредит рейтингӗсем те ҫирӗплетеҫҫӗ.
Финанс отраслӗн мӗнпур ӗҫченне профессири пысӑк ӑсталӑхшӑн, яваплӑ ӗҫшӗн тата суйласа илнӗ тивӗҫе чунтан парӑннӑшӑн тав тӑватӑп.
Пур пек вӑй-хӑватӑр сире хальхи ӳсӗмсене сыхласа хӑварма, ҫӗнӗ ҫитӗнӳсем тума тата малашлӑха яланах шанчӑклӑн пӑхма пулӑшса пырасса шанса тӑратӑп!
Ҫирӗп сывлӑх, ӑнӑҫусем тата Раҫҫейпе Чӑваш Ен ырлӑхӗшӗн тӑвакан ӗҫӗрте ҫӗнӗ ҫитӗнӳсем сунатӑп.
Чӑваш Республикин Пуҫлӑхӗ Михаил Игнатьев