Правительство ҫуртĕнче юпа уйăхĕн 3-мĕшĕнче Раҫҫей Федерацийĕн тата Чăваш Республикин патшалăх наградисене пысăк хисепе тивĕҫнĕ ентешсене парса чысланă.

Паллă пулăма пухăннисене чи малтан Чăваш Республикин Пуҫлăхĕ Михаил Игнатьев ăшшăн саламланă, ырлăх-сывлăх, вăй-хал суннă.  Мероприятине Чăваш Республикин Патшалăх Канашĕн Председателĕ Альбина Егорова, Чăваш Республикин Министрсен Кабинечĕн Председателĕн ҫумĕ – Чăваш Республикин Пуҫлăхĕн Администрацийĕн Ертӳҫи  Юрий Васильев,  Шупашкар хула пуҫлăхĕ Евгений Кадышев хутшăннă.

Хăйĕн ум сăмахĕнче республика Пуҫлăхĕ пурсăмăра та пĕр чăмăра пысăк профессионалсем пулни, яваплăха туйса ĕҫлеме пĕлни пухнине асăннă.

«Сирĕн пысăк ҫитĕнӳ – тăван ҫĕре, юратнă ĕҫе парăнса ĕҫленипе пулса пырать.  Ĕҫ коллективĕсене, организаципе предприятисене эсир ҫӳллĕрен те ҫӳле  ҫĕклесе пыма витĕм кӳрсе пыратăр. Обществăшăн паха та ырă ĕҫсем тума яланах тăрăшатăр.  Мал ĕмĕтлĕ пулни, ҫитĕнӳсем патне ăнтăлни – йывăрлăх кăларса тăратма пултаракан ыйтусене те татса пама пулăшаҫҫĕ. Пысăк проектсене пурнăҫа кĕртес ĕҫре те сирĕн тӳпе пысăк вырăн йышăнни куҫкĕрех», – тесе каланă регион Ертӳҫи.   Тĕслĕх вырăнне илсе,  кăҫал федераци шайĕнче ирттернĕ ыр кăмăллăх акцийĕ пирки каласа кăтартнă. Ачасене хӳтĕлемелли паллă кунра Пĕрремĕш канал «Пĕрремĕш пул!» паха акци ирттерчĕ. Кунсăр пуҫне ҫăмăл атлетикăпа Раҫҫей шайĕнче 100 чемпионат иртнĕ. Ун чухне те хисепе тивĕҫнисене патшалăх наградисене парса сахал мар чысланă. Граждансем паянхи куна та вăл самантсене ырăпа асăнса тав тăваҫҫĕ.

«Эпир сирĕн ҫитĕнĕвĕрсемпе мăнаҫланатпăр. Пысăк кăтартусем яланах ырă ĕҫсем туса пыма хавхалантарса пыраҫҫĕ. Кам та кам Чăваш Республики малалла та ҫирĕп аталанса пытăр тесе тăрăшса ĕҫлет, вĕсене яланах тав тăватпăр, ĕҫ климатне лайăх енне куҫарса пырассинче пысăк витĕм кӳрекенсене тĕслĕх вырăнне хурса, ыттисене те вĕсем пек пулма вĕренсе пыратпăр», – тенĕ Михаил Игнатьев.  

Пĕрле килĕшсе тухăҫлă ĕҫлесе пырсан, яланах ҫитĕнӳсем пулаҫҫĕ. Эпир ҫĕр айĕнчи пурлăхсем ҫуккишĕн пăшăрханса лармастпăр, ырă та ĕҫчен, пысăк тавра курăмлă халăх тарават пулнишĕн, ĕҫлеме юратнишĕн, пĕрне-пĕри пулăшма пĕлнишĕн савăнатпăр тенĕ Пуҫлăх.

«Пирĕнтен кашни хăйне евĕр чаплă та ăста ҫын. Паха ĕҫ опычĕ ҫитĕнекен ăрушăн тĕслĕхре. Паянхи наградăсем те ҫакнах ҫирĕплетсе параҫҫĕ,» – тенĕ сăмаха пĕтĕмлетнĕ май регион Пуҫлăхĕ Михаил Игнатьев. РФ патшалăх наградине К.В. Иванов ячĕллĕ  Чăваш патшалăх академи драма театрĕнче тăрăшакан  артистка Валентина Иванова тивĕҫлĕ пулнă. Чăваш Республикин патшалăх наградине Александр Дельмана парса чыс тунă, вăл Чăваш Енĕн обществăлла палатăн членĕ, вăлах Шупашкарти «Правопорядок» обществăлла фондăн ертӳҫи.   

Пĕтĕмпе паян Чăваш Енре пурăнса, ĕҫре пысăк ҫитĕнӳсемпе палăрнă 32 граждан патшалăхăн хисеплĕ наградисене илме тивĕҫлĕ пулнă.  

Фоторепортаж