"Театрлă Атăлçи" фестиваль çĕнтерÿçисене палăртрĕç
Раççейри Театр çулталăкне халалланă "Театрлă Атăлçи" проект вĕçленчĕ. Чÿк уйăхăн 29-мĕшĕнче тÿрĕ эфирта чи лайăх ĕçсемшĕн сасăланă.
Шăматкун вара сасăлав кăтартăвĕсене те тÿрĕ эфирта пĕтĕмлетрĕç. "Чи лайăх шкул театрĕ" ята Пушкăртстанри коллектив тивĕçрĕ, "Чи лайăх студент театрĕ" ята - пирĕн "Абрикосовый сад". "Чи лайăх режиссер" - Дмитрий Миронов /ЧПУ/. "Студентсен театрĕн чи лайăх актерĕ" - пирĕн Вячеслав Краснов. "Шкул театрĕсен чи лайăх актриси" - Шупашкарти 4- мĕш лицейри Роза Коробова.
Пирĕннисенчен унта Шупашкарти 4- мĕш лицейри сцена искусствин студине çÿрекенсен "Наброски судьбы" спектакльпе хутшăннăччĕ, студентсенчен - И.Н.Ульянов ячĕллĕ ЧПУ- роль вузсен хушшинчи "Абрикосовый сад" театрĕ "Мой дедушка был вишней" ĕçпе.
Республикăра тухса тăракан хаçат "Хыпар"
