Чăваш Республикин Пуҫлăхĕ Михаил Игнатьев патне «Деловая Россия» пĕтĕм Раҫҫейри обществăлла организаци президентĕнчен Алексей Репикран тав ҫырăвĕ килсе ҫитнĕ.

 «Деловая Россия» организаци тата хам ятран Сире 2019 ҫулта нарăс уйăхĕн 6-мĕшĕнче  «Роль бизнеса в достижении национальных целей» ятлă Форумра «Инвестиционный климат 2.0: новая среда для человека и бизнеса» темăпа иртнĕ сессинче пуриншĕн те питĕ кăсăклă ыйтупа доклад тунăшăн тав тăватăп.

Эсир хускатнă пысăк пĕлтерĕшлĕ ыйтусем мероприятине хутшăннисен кăмăлне кайнă. Шанатпăр, малашне те пĕр-пĕринпе килĕшсе тухăҫлă ĕҫлесе пырассине», – тесе ҫырнă ҫырура.