Хаклӑ ентешӗмӗрсем!

 Сире Раҫҫей кунӗ ячӗпе саламлатӑп!

Ҫак уяв ӑс-хакӑл пӗрлӗхне тата Тӑван ҫӗршывӑмӑрӑн наци нумай­евӗрлӗхне сӑнарлать.

Раҫҫей – тӗнче цивилизацийӗнче уйрӑм вырӑнта тӑракан авалхи кун-ҫуллӑ, хӑйне евӗрлӗ культурӑллӑ аслӑ ҫӗршыв. Вӑл вӗҫсӗр-хӗрсӗр ҫӗрӗсен анлӑхӗпе, калама ҫук пысӑк пуянлӑхӗпе, ҫут ҫанталӑкӑн тӗлӗн­мелле илемӗпе паллӑ.

Кунта нумай-нумай ӗмӗр туслӑн та килӗштерсе пурӑнакан тӗрлӗ халӑхӑн йӑли-йӗркипе пурнӑҫ тытӑмӗ типтерлӗн сыхланса упранать та­та ӑруран ӑрӑва йӗркеллӗн куҫса пырать.

Эпир Тӑван ҫӗршыва чунтан юрататпӑр! Хӑш халӑх ҫынни пулни­не, мӗнле тӗне ӗненнине е политикӑри шухӑшлавне пӑхмасӑр, кашни Раҫҫей ҫыннин тивӗҫӗ – наци тӗллевӗсене пурнӑҫлассишӗн, Раҫҫей патшалӑхӗн ырлӑхӗпе аталанӑвӗшӗн, тӑнӑҫлӑхпа ҫирӗплӗхе тӗрекле­тессишӗн ырми-канми тӑрӑшасси.

Пӗрлехи вӑйпа эпир, ӗҫчен те ҫирӗп тӗллевлӗ тата яваплӑ пулнӑ май, Тӑван ҫӗршыв чапӗпе мухтавлӑхне малалла ӳстерсе пырасса, ум­ри тӗллевсене туллин пурнӑҫлама пултарасса, ҫӗршывӑмӑршӑн лайӑх малашлӑх йӗркелессе ҫирӗппӗн шанса тӑратӑп!

Сире ҫирӗп сывлӑх, мӗнпур ырӑ ӗҫре ӑнӑҫусем, хастар кӑмӑл-ту­йӑм, савӑнӑҫ, ырлӑхпа телей сунатӑп!

Чӑваш Республики  Пуҫлӑхӗ                                          Михаил Игнатьев