Ҫĕртме уйăхĕн 23-мĕшĕнче Пĕтĕм халăхсен хушшинчи «АСАМАТ» фейерверксен фестивалĕ иртнĕ. Йăлана кĕнĕ тăрăх, ăна кашни ҫул Чăваш Енĕн тĕп хулинче – Шупашкарта ирттереҫҫĕ. Паллă пулăма Республика кунне халалланă.  

Уява чылай халăх хутшăннă. Илемлĕ шоу пурин кăмăлне те уҫса янă. Тĕп хуламăра пухăннă ҫынсем ҫав тери кăмăллă юлнă мероприятипе.

Кăҫал фейерверксен уявне Шупашкар хулине 550 ҫул тата Чăваш автономи облаҫне йĕркеленĕренпе 100 ҫул ҫитнине палăртса тунă.   

Пĕтĕмпе мероприятине 5 команда хутшăннă, вĕсенчен кашни 5 минутран кая мар илемлĕх тĕнчине парнеленĕ.  

Ҫĕнтерӳҫĕсене жюри членĕсем тата интернет-сасăлав палăртĕ. Чăваш Республикин Экономика сайчĕ ҫинче ятарлă сасăлав уҫнă, унта кашни ҫын хăйĕн кăмăлне палăртма пултарать. Унăн адресĕ ҫапла.  Ҫĕртме уйăхĕн 24-мĕшĕнче кăнтăрлахи 13:00 сехетчен халăхăн сасăлава хутшăнма ирĕк пур. Паян вара ҫĕнтерӳҫĕ, тĕп парнене, «Асамат» Пĕтĕм тĕнчери фейерверксен Гран-при фестивалĕнче  тивĕҫĕ.  

Пĕтĕм тĕнчери халăхсен хушшинчи фейерверксен фестивальне 2008-мĕш ҫултан ирттерме тытăннă. Пирĕн республикăна ҫулсерен Мускавран, Челябинскран, Санкт-Петербургран, Екатеринбургран, Францирен, Казахстанран, Азербайджанран, Украинăран тата ытти тăрăхран паллă ушкăнсем чылайăн килсе ҫитеҫҫĕ.  

Фоторепортаж