Ҫĕртме уйăхĕн 7-мĕшĕнче Питĕрте пĕтĕм тĕнчери халăхсен хушшинчи экономика форумĕнче Стратегиллě пуçарусен агенcтви, Раҫҫейри регионсенче 2019 ҫулта инвестици климатне лайăхлатассипе епле ĕҫленине хакланă.

Ларăва, сăмах май, Чăваш Ен Пуçлăхĕ Михаил Игнатьев та хутшăннă. Унта регионсен инвестици климатне лайăхлатассипе, бизнеса аталантарассипе çыхăннă ыйтусене сӳтсе явнă.

Наци рейтингĕнче Чăваш Республики 11-мĕш вырăна тухнă. Инвестици климачĕ лайăх пулнипе регион ыттисемшĕн ырă тĕслĕх вырăнĕнче, инвестици енчен пысăк стандартсемпе ĕҫленине, çак тĕлĕшпе малта пыракансен йышĕнче тесен те йăнăш мар.

Ҫулсерен Наци рейтингне ПМЭФ пĕтĕмлетеҫҫĕ. Ҫак ĕҫе 2014-мĕш ҫулта пурнăҫа кĕртме пуҫланă. 

 Фоторепортаж