Чи лайăх воспитателе палăртнă
«Раççей воспитателĕсем» Пĕтĕм Раççей конкурсĕн регионти тапхăрне пĕтĕмлетнĕ.
Чи лайăх воспитатель ятне тивĕçессишĕн республикăри 15 муниципалитетăн шкул çулне çитмен ачасемпе ĕçлекен 43 организацийĕн 72 ĕçченĕ тупăшнă. Çĕнтерӳçĕсене 8 номинацире палăртнă.
Чи лайăх воспитатель ятне Хĕрлĕ Чутайри «Пилеш» ача садĕнче тăрăшакан Надежда Ладайкина тивĕçнĕ.
Тĕрлĕ номинацисенче Канашри 16-мĕш ача садĕнче ĕçлекен Анастасия Степанова, Шупашкарти 162-мĕш ача садĕнче тăрăшакан Елена Алексеева, Çĕнĕ Шупашкарти 22-мĕш ача садĕнче ĕçлекен Екатерина Бударина, Шупашкарти 2-мĕш ача сачĕн дефектолог-вĕрентекенĕ Елена Ялугина, Хĕрлĕ Чутайри «Хĕвел» ача сачĕн воспитателĕ Надежда Егорова, Çĕнĕ Шупашкарти 45-мĕш ача сачĕн заведующийĕ Галина Московцева тата Çĕнĕ Шупашкарти 2-мĕш ача сачĕн физкультура инструкторĕ Аида Сорокина çĕнтернĕ.
Çĕнтерӳçĕсем чӳк уйăхĕн 1-30-мĕшĕсенче иртекен «Раççей воспитателĕсем» Пĕтĕм Раççей конкурсне хутшăнĕç.
