Автомобиль тата хулари пассажир транспорчӗн хисеплӗ ӗҫченӗсемпе ветеранӗсем!

Сире професси уявӗпе саламлатӑп!

Лайӑх ӗҫлекен хӑрушсӑр транспорт ҫыхӑнӑвӗ – халӑхӑн экономикӑри тата социаллӑ пурнӑҫри хастарлӑхӗн никӗсӗ. Автотранспортпа турт­тарас ӗҫ тухӑҫлӑхӗ нумай чухне регионти предприятисем производствӑпа хуҫалӑх тӗллевӗсене пурнӑҫласси ҫине ырӑ витӗм кӳрет.

Чӑваш Республикинче 360 пин ытла автомобиль транспортне шута илнӗ. Автотранспорт сферинче ырми-канми тӑрӑшакан чӑн-чӑн ӑстаҫӑсен курӑмлӑ та шанчӑклӑ ӗҫӗ – Чӑваш Республикин социаллӑ пурнӑҫӗпе экономикин вӑй-хӑватне кал-кал аталантарма пулӑшакан пӗлтерӗшлӗ май.

Автомобиль тата хулари пассажир транспорчӗн отраслӗнче ӗҫлекенсене ҫул ҫинче пӗр-пӗрне хисеплеме, юсавлӑ техникӑпа ҫӳреме тата рейссенчен кашнинчех тӗрӗс-тӗкел таврӑнма сунатӑп. Сывлӑхпа ырлӑх сире!

Чӑваш Республикин Пуҫлӑхӗ                              Олег Николаев