Раҫҫей чемпионачӗ Шупашкарта иртӗ
2021 ҫулхи ҫӗртме уйӑхӗн 23-27-мӗшӗсенче Шупашкарта Ҫӑмӑл атлетика енӗпе Раҫҫей чемпионачӗ иртӗ. Ун хыҫҫӑн тепӗр уйӑхран Токиора Олимп вӑййисем пуҫланӗҫ.
Ҫӑмӑл атлетика чемпионачӗ пирки каласан, Чӑваш Енӗн тӗп хулинче вӑл ҫиччӗмӗш хут ӗнтӗ иртет. Юлашки хутчен ун пек ӑмӑртӑва пирӗн патра 2019 ҫулта пуҫтарӑннӑччӗ. Кӑҫал та ҫӗршыври чи вӑйлӑ ҫӑмӑл атлетсем Шупашкара килсе ҫитмеллеччӗ. Анчах кӑшӑлвирус тесе чемпионата малтан кӗркуннене куҫарчӗҫ, кайран вара Шупашкарта мар, Челябинскра ирттерме йышӑнчӗҫ.
