Нарăс уйăхĕн 13-мӗшӗнче Чӑваш Республикин Пуҫлӑхӗн тивĕҫĕсене вăхăтлăха пурнăҫлакан Олег Николаев Правительство ҫуртӗнче Раҫҫей кластерĕсемпе технопарксен Ассоциацийӗн директорӗпе Андрей Шпиленкăпа тӗлпулу ирттернӗ.

Калаҫӑва Чӑваш Республикин Министрсен Кабинечӗн Председателӗн ҫумĕ -экономика аталанӑвӗн тата пурлӑх хутшӑнӑвӗсен министрӗ Иван Моторин хутшӑннӑ.

Республикӑра промышленноҫ пайĕн ҫӗнӗ технопаркӗсене тӑвассипе ҫыхăннă ыйтусене тарăн пăхса тухнă. Вӗсене промышленноҫ предприятийӗсен базинче йӗркелеме пулать. Ҫавӑн пек предприятисем "Пӗчӗк тата вӑтам бизнес тата уйрӑм предпринимательлӗх пуҫарӑвне пулӑшу парасси" наци проектне пурнӑҫланӑ шайра патшалӑх пулӑшӑвне илме конкурса хутшӑнма пултараҫҫӗ. Пӗр технопарк валли финанс калӑпӑшӗ 500 млн тенкӗ пулма пултарать.

"Промышленноҫ технопаркӗсем – хатĕр промышленноҫ инфратытӑмӗ, вак тата вӑтам предпринимательлӗхе пулӑшнипе тӑкаксене чакарма палӑртса хунӑ центр", - палӑртнă Андрей Шпиленко.

"Ку ҫул-йĕр регионшӑн питӗ пĕлтерĕшлĕ, кирлӗ", - палӑртнӑ Олег Николаев, тивӗҫлӗ ӗҫе предприятисемпе ҫывӑх вӑхӑтра сӳтсе явассине, патшалăх пулăшăвне илме заявка тăратма ӗлкӗрмеллине асăннă.

Фоторепортаж