Раҫҫей Федерацийӗн Правительствин Председателӗ Михаил Мишустин Чӑваш Республикин Пуҫлӑхӗн тивĕҫĕсене вăхăтлăха пурнăҫлакан Олег Николаева Тӑван ҫӗршыв хӳтӗлевҫин кунĕ ячĕпе саламланă.

"Нарăс уйăхĕн 23-мӗшӗ - хӑйне евӗрлӗ уяв, вӑл хӑюлӑх символӗ шутланать. Тӑван ҫӗршывӑн Аслӑ вӑрҫинчи Ҫӗн­терӳ 75 ҫул тултарни пурсӑмӑра та аттесемпе асаттесен паттӑрлӑхӗ ҫинчен аса илтерет. Тӑван ҫӗршыва чунтан парӑнса пурӑнни – пирӗн кашниншӗн тӗслӗх тата мораль ориентирӗ.

Хальхи вӑхӑтра миллион-миллион ҫынсен тӑнӑҫлӑхĕпе ырлӑхне сыхласа хӑваракансене, наци интересӗсене шанчӑклӑн хӳтӗлекенсене, Раҫҫейӗн ҫирӗп аталанӑвне тивӗҫтерекенсене уйрӑмах хисеплемелле.

Сире сывлӑх, пур пуҫарура та ҫитӗнӳсем тата чи лайӑххи сунатӑп", - тенӗ салам йĕркисенче.