Нарăс уйăхĕн 26-мӗшӗнче  Чăваш Республикин Пуҫлӑхӗн тивĕҫĕсене вăхăтлăха пурнăҫлакан Олег Николаев Чӑваш Республикин Патшалӑх архивне ҫитсе килнĕ.

Астăвăмпа мухтав ҫулталăкĕнче хальхи историйӗн Патшалӑх архивĕ «Халăх астăвăмĕ. Çĕнтерĕве упрар!» акцие ирттерме кăмăл туни пирки пĕлтернĕ,  ăна 1941-1945 ҫулсенчи Тӑван ҫӗршывӑн Аслӑ вӑрҫинче Ҫӗнтернӗренпе 75 ҫул ҫитнине халалланӑ. Акци шайӗнче архив ӗҫченӗсем Тӑван ҫӗршывӑн Аслӑ вӑрҫине хутшӑннă тата тылра ӗҫленӗ ҫынсен – ҫырăвĕсене, дневникĕсене, фронтовиксен асаилӗвӗсене, Чӑваш Енре ҫуралса ӳснӗ, вӑрҫӑ ҫулӗсен сӑнӳкерчӗкӗсене, ветерансен тӗлпулӑвӗсен сӑнӳкерчӗкӗсене, тав ҫырӑвӗсене, награда листисене, саламлӑ открыткӑсем тата ытти материалсем йышӑнаҫҫӗ.

«Халăх астăвăмĕ. Çĕнтерĕве упрар!» акцине ырланă май, Олег Николаев архивистсене икӗ видеоролика хӑйӗн хурӑнташӗсемпе кӳршӗ хӗрарӑмӗ – вӑрҫӑ пулӑмӗсене аса илтерсе каласа пани пирки хыпара панӑ. Регион ертӳҫи каласа панӑ тӑрӑх, ролике унăн хӗрĕ ҫемьери архив материалӗнчен хатӗрленине, шкулта вӗреннӗ чухнех Ҫӗнтерӳ кунне халалласа конкурса хутшӑнма пурнăҫланине палăртнă. Хатӗрленнӗ чухне вӑл вӑрҫӑ историйӗпе, ҫемье историйӗпе чӑннипех кăсăкланнине, хӑй валли ҫӗнӗ хыпарсем нумай пӗлнине тата видеоролике пысăк пĕлтерĕшлĕ  пулса тухнине палӑртнă вăл.

Олег Николаев каланӑ тӑрӑх, хӗрӗн пултарулӑх ĕҫĕ ӑна вӑрҫӑра хутшӑнакансен тата свидетельсен пӗр фондне туса хурассин пахалӑхӗ пирки шухӑшлаттарнă.

"Вӑрҫӑ вӑхӑтӗнче мультимеди текен тытăм хальхи пекех аталанман. Сӑмахран, пирӗн ҫемье архивӗ питӗ ансат. Ҫавӑнпа та эпӗ материалсем кӑлармалли  ҫакăн пек формата суйласа илме шут тытрӑм. Шкул ачисенчен "Халӑх асӑнӑвӗ. Ҫӗнтерӗве сыхласа хӑварар!» акцие хастарлӑрах хутшӑнма чĕнсе калатăп.  Чӗрӗ юлнӑ ветерансенчен ыйтса юлар вăрҫăн тумхахлă ҫулĕсем пирки, май пур таран ҫырса хăварар, видео ӳкерер. Вӑрҫӑ свидетелӗсем чӑнах та сахал, 500 ҫынран та сахалрах юлнӑ. Енчен те эпир асаилӳсене ҫырса хума пултараятпӑр пулсан, ачасем хӑйсемех ветерансемпе калаҫма пултараҫҫĕ пулсан, ку питӗ кăсăклă материал пулать", - палӑртнă Олег Николаев.

Ҫавӑн пекех вӑл ҫак ĕҫре общество организацийӗсене хутшăнма, конкурссем йĕркелеме сĕннĕ.

"Госархивпа пӗрле эпир ҫакӑн пек фильмсем ирӗклӗ пулччӑр тесе ятарлӑ ресурс тунӑ пулӑттӑмӑр, ҫав фильмсен никӗсӗ ҫинче материалсем тума тата чӑн-чӑн ҫынсене, геройсене асра тытма пулӑшас, асаилӳсем кӑларма май пултӑр тесе тăрăшăпăр. Ҫитӗнекен ӑрăва вӗсем питĕ кирлӗ", - тенӗ Олег Николаев.

Палӑртса хӑварар, акци кăҫал  кăрлач уйăхĕн 13-мӗшӗнче старт илнĕ.  Ҫулталăк тăршшĕпех вăл анлăн иртесси паллă. Тĕрлĕ  куравсемпе, электронлӑ кӑларӑмсемпе, статьясемпе, документсемпе тӗпчевҫӗсем кӑна мар, шкул ачисем те патриот воспитанийӗ шайӗнче ирттернӗ вӑхӑтра паллашма пултарӗҫ.

Фоторепортаж