"Сывлӑх сыхлавӗ" специализаци енӗпе «Раҫҫей лидерӗсем-2020» конкурс суперфиналистсен ячӗсене пӗлтернӗ. Ҫӗнтерӳҫӗсем 30 ҫын пулса тӑнӑ. Вӗсен шутӗнче - республикӑри клиника офальмологи больницин тӗп врачĕ Дмитрий Арсютов.

Дмитрий Геннадьевич специализаци рейтингӗнче иккӗмӗш вырӑн йышӑннă та вунӑ суперфиналист шутне кӗнӗ. Пуш уйӑхӗн вӗҫӗнче Сочире иртекен "Раҫҫей лидерӗсем" конкурс суперфиналӗнче Чӑваш Республикин чысне хӳтĕлĕ.

Дмитрий Арсютова хисеплĕ ята тивĕҫнĕшĕн Чӑваш Республикин Пуҫлӑхӗн тивĕҫĕсене вăхăтлăха пурнăҫлакан Олег Николаев саламланă. Вӑл ӑна малашне професси ҫитӗнӗвӗсем суннă.

Палӑртса хӑваратпӑр: "Сывлӑх сыхлавӗ" специализаци финалӗнче ҫӗнтерӳҫĕ ята тивĕҫессишĕн Раҫҫейӗн 34 регионӗнчен 100 ҫын хутшăнма кăмăл тунă. Ертӳҫĕсен конкурсне кӑҫал 9 745 заявка тăратнă.