Хаклă хĕрарăмсем!

Сире Пĕтĕм тĕнчери хĕрарăмсен кунĕ ячĕпе пĕтĕм чунтан саламлатăп!

Ҫуркуннехи ҫак уяв этемлĕхĕн илĕртӳллĕ ҫурри ҫине ытарайми пăхса хавхаланмалли сăлтав пулса тăрать.

Ҫутҫанталăк сире илем, пысăк ăс-хакăл пернеленĕ. Эсир ырăлăхпа тимлĕхе сăнарлатăр, тĕнчене ачашлăхпа, юратупа пуянлататăр.

Эпир хамăрăн республикăри хĕрарăмсемпе тивĕҫлипе мăнаҫланатпăр.

Эсир ĕҫре те, килте те хăвăрăн пултарулăхăра туллин ҫирĕплететĕр: профессире, пултарулăх, общество ĕҫĕнче ҫитĕнӳсем тăватăр, кил хуҫалăхри пысăк тиеве хăвăр ҫине илетĕр, ачасене воспитани паратăр, ҫемье вучахне упратăр.

Паян вăрҫă ҫулĕсенчи ăру хĕрарĕмĕсене уйрăммăн тав тăвас килет. Вĕсем арҫынсемпе пĕрле Ҫĕнтерĕве туптанă, фронтра хăйсене хĕрхенмесĕр ҫапăҫнă, тылра ĕҫленĕ.

Сире сывлăх, ырлăх, уяв чухнехи ҫĕкленӳллĕ кăмăл, чи ҫутă ĕмĕтсене пурнăҫлама сунатăп.

Эпир cире юрататпăр. Телейлĕ пулăр!

Чӑваш Республикин Пуҫлӑхӗн

тивӗҫӗсене вӑхӑтлӑха пурнӑҫлакан                                   Олег Николаев