Раҫҫей Федерацийĕн Патшалăх Думин депутачĕсем Анатолий Аксаков тата Игорь Моляков региона пулăшу параҫҫĕ.  Вĕсем коронавируса хирĕҫ кĕрешессипе хăйне евĕр пархатарлă ĕҫ тунӑ - шалăва Чăваш Енри ырă кăмăллăх фондне куҫарма килĕшнĕ.   Пысăк пулăшу республикăри пилĕк учреждение куҫĕ.  Вĕсенче хальхи тапхăрта шăпах COVID-19  чирĕпе аптракансене сиплеҫҫĕ.  Ҫав учрежденисенче тин ҫеҫ чирлеме пуҫланисене те йышăнма хатĕр.  Укҫа-тенкĕне медицина хатĕрĕсем илме тăкакласси те паллă, асăннă пулӑшупа сиплев учреженийĕсен пурлăхпа техника никӗсне ҫĕнетме тĕллев лартнă. Кашни учреждени ертӳлĕхĕ сиплев уйрăмне кирлĕ хатĕрсене туянасси пирки хăй йышăну тăвать.