Ака уйăхĕн 21-мĕшĕнче Чăваш Республикин Пуҫлăхĕн тивĕҫĕсене вăхăтлăх пурнăҫлакан Олег Николаев пĕчĕк тата вăтам тракторсем тирпейлесе кăларассипе ĕҫлекен производство хута ярас ыйтупа ĕҫлĕ канашлу ирттернĕ.

Видео ҫыхăну мелĕпе ирттернĕ мероприятине Раҫҫей Федерацийĕн промышленноҫ тата суту-илӳ Министрĕ Александр Морозов, Раҫҫей Федерацийĕн Патшалăх Думин депутачĕ Анатолий Аксаков, «МИГ «КТЗ» ТМЯО генеральнăй директорĕ Андрей Водопьянов,  «Трансмашхолдинг»  АО генеральнăй директорĕ Кирилл Липа хутшăннă.  Ертӳҫĕсем пĕрлехи ĕҫсене сӳтсе явнă, проекта пурнăҫа кĕртессине палăртнă. 

Аса илтеретпĕр, Раҫҫей Федерацийĕн Правительствин хушăвĕпе килĕшӳллĕн, ял хуҫалăх тытăмĕнче усă курăнакан пĕчĕк тата вăтам тракторсене хута ярас ыйту ҫивĕч тăрать. Ҫавна шута илсе Тракторсен завочĕ Концерн Чăваш Республикинчен ҫĕнĕ производство уҫасси пирки ыйтăва пăхса тухнă.

Канашлура ертӳҫĕсем  патшалăх енчен куҫакан пулăшусем пирки те сӳтсе явнă, проекта пурнăҫа кĕртес тесе йышăнакан мерăсем пирки чарăнса тăнă.

Раҫҫей Федерацийĕн промышленноҫ тата суту-илӳ Министрĕ Александр Морозов  хăйĕн сăмахĕнче, проекта пурнăҫа кĕртес тĕлĕшпе Правительство витĕм кӳме хатĕррине хыпарланă.

Чăваш Республикин Пуҫлăхĕн тивĕҫĕсене вăхăтлăх пурнăҫлакан Олег Николаев  регионти ĕҫ тăвакан влаҫ органĕсенче тăрăшакансем проектпа ĕҫлеме хатĕррине, май килнĕ таран условисем хатĕрлесе тăратма палăртнине хыпарланă, кĕске вăхăт хушшинче производство ĕҫлесе кайтăр тесе, регионти влаҫи ҫынсем ырми-канми  ĕҫление асăннă вăл сăмаха малалла тăснă май.  Налук енчен тĕрлĕ ҫăмăллăхсем пур, вăл та проекта пурнăҫа кĕртекенсемшĕн пысăк тĕрев тенĕ сăмаха ҫавăрса Чăваш Республикин Пуҫлăхĕн тивĕҫĕсене вăхăтлăх пурнăҫлакан.  РФ налуксен кодексĕ тупăш илнĕшĕн пурлăхшăн пурĕ те налук ставки 0,1 процент пуласса асăннă, ҫĕршĕн те ҫак виҫе пуласси куҫкĕретех тенĕ сăмаха пĕтĕмлетсе Олег Николаев.     

Регионта специалистсене тарăн пĕлӳ илме чаплă условисем пур. Шăпах та, тракторсем калăпласа кăларакан производствăшăн пĕлтерĕшлĕ пулĕ ҫакă. «Паянхи пурнăҫ таппине килĕшсе тăраҫҫĕ мĕнпур вĕренӳ учрежденийĕсем. Паха специалистсем вĕренсе тухсан, тӳрех промышленноҫ предприятийĕсене вырнаҫса, чаплă таварсем тирпейлесе кăларма витĕм кӳреҫҫĕ», - тенĕ Олег Николаев.  Тепĕр пысăк пĕлтерĕшлĕ пулăм, регионта ҫулсерен  «Worldskills» юхăм анлăн вăй илсе пырать. Специалистсем, хăйсен тавракурăмлăхне вăл ăмăртусенче кăтартса пама тăрăшаҫҫĕ тенĕ вăл.  

Фоторепортаж