Сӑвва илемлӗ вулакансен "Чӗрӗ сӑмах" республика конкурсне пӗтӗмлетнӗ. Пултарулӑх ӑмӑртӑвне Чӑваш Республикин Вӗренӳ тата ҫамрӑксен политикин министерстви Пултаруллӑ ачасемпе ҫамрӑксен "Эткер" центрӗпе пӗрле пуш-ака уйӑхӗсенче ирттернӗ.

ЧР вӗренӳ тата ҫамрӑксен политикин министрӗ Сергей Яковлев палӑртнӑ тӑрӑх, "Чӗрӗ сӑмах" конкурса Чӑваш автономине йӗркеленӗренпе 100 ҫул ҫитнине уявлассипе ҫыхӑнтарнӑ.

5-11-мӗш класс ачисем чӑвашла проза хайлавӗсенчи сыпӑксене вуланӑ. Жюри текст содержанине тата тӗрӗс вуланине ҫеҫ мар, ачан артистлӑхне те хакланӑ.

Конкурс пӗтӗмлетӗвӗ ҫапларах.
5-6-мӗш классен хушшинче 1-мӗш вырӑна никама та парас темен. 2-мӗшне Евгения Никифорова (Хӗрлӗ Чутай районӗ, Мӑн Этмен шкулӗ, ертӳҫи - Татьяна Горбунова) тиӗҫнӗ. 7-8-мӗш классен хушшинче 1-мӗш вырӑнта - Анна Сидорова (Ҫӗмӗрле районӗнчи Егоркино шкулӗ, ертӳҫи - Надежда Албутова). 9-11-мӗш классен хушшинче 1-мӗш вырӑна тивӗҫнисем ҫук. 2-мӗшӗнче - Алеся Фролова (Ҫӗнӗ Шупашкарти 17-мӗш шкул, ертӳҫи - Светлана Кабирова).
www.hypar.ru