Чӑваш Республикин Пуҫлӑхӗн тивӗҫӗсене вӑхӑтлӑх пурнӑҫлакан Олег Николаев Васкавлӑ пулӑшу службин ӗҫченĕсен кунĕ ячĕпе саламлани
Чӑваш Енри васкавлӑ медицина пулӑшӑвӗн станцийӗн хисеплӗ ӗҫченӗсем!
Сире професси уявӗ ячӗпе саламлатӑп!
Васкавлӑ пулӑшу службинчи ӗҫ – сывлӑх сыхлав сферинчи чи кӑткӑс та йывӑррисенчен пӗри, кунта хӑйсен тивӗҫне чунтан парӑннӑ ҫынсем вӑй хураҫҫӗ.
Йывӑр самантра эсир яланах юнашар, шӑпах сирӗн ӗҫри ӑсталӑхӑрпа тимлӗхӗр тата вӑр-варлӑхӑр ҫын пурнӑҫне ҫӑлса хӑварма май параҫҫӗ. Васкавлӑ пулӑшу ӗҫченӗсем – хальхи вӑхӑтри чӑн-чӑн паттӑрсем, ҫакна коронавирус инфекцийӗпе ҫыхӑннӑ лару-тӑру тепӗр хут ҫирӗплетсе пачӗ.
Хӑвӑра шеллемесӗр ӗҫленӗшӗн, ырӑ кӑмӑлӑршӑн, тимлӗ те хӗрхенӳллӗ пулнӑшӑн сире Чӑваш Енре пурӑнакан мӗнпур ҫын ячӗпе тав тӑвас тетӗп.
Пархатарлӑ тата тӳрӗ кӑмӑлпа пурнӑҫлакан ӗҫӗршӗн пурсӑра та пысӑк тав. Сире тата сирӗн ҫывӑх ҫыннӑрсене ҫирӗп сывлӑх, ырлӑхпа телей сунатӑп!
Чӑваш Республикин Пуҫлӑхӗн тивӗҫӗсене вӑхӑтлӑха пурнӑҫлакан Олег Николаев
