Чӑваш Енри аякра вырнаҫнă ялсенче ĕҫлекен земство тухтăрĕсемпе фельдшерсем пысăк укҫа-тенкĕ тивĕҫĕҫ
Чӑваш Республикин Министрсен Кабинечӗн ларăвĕнче ("Земский доктор" тата "Земский фельдшер") «Земство тухтăрĕпе» «Земство фельдшерĕ» программӑсене хутшӑнакансене пӗр хутчен парса тивĕҫтермелли калакан документа тишкерсе тухнă, йышăнса хăварнă. Регионти хăш-пĕр территорисене тĕпченĕ хыҫҫăн, 232 ялта реестра кĕртнĕ, вĕсенче ĕҫлекен тухтăрсене пулăшу пама килĕшнĕ.
Чӑваш Ен сывлӑх сыхлавӗн министрӗ Владимир Степанов ӑнлантарса панӑ тӑрӑх, реестр тунӑ чухне икӗ виҫене шута илнӗ: поселок, ялсем Шупашкар хулинчен тата тӗп больницӑран аякра пулнине, ҫавӑн пекех вӗсен транспорт ҫыхăнăвне те.
Врачсене 1,5 млн парса хавхалантарма йышăннă, фельдшерсене - 750 пин тенкӗ. Унччен "Земский доктор" программӑна хутшӑнакансене 1 млн тенкӗ тата 500 пин тенкӗ виҫепе тӳлеме пултарнӑ. Пулăшăва 2020 ҫулхи кӑрлач уйӑхӗн 1-мӗшӗ хыҫҫӑн аякка вырнаҫнă ялсене ĕҫлеме килнĕ тухтăрсене пысӑк тӳлеве куҫарса параҫҫĕ.