Ҫу уйăхĕн 26-мĕшĕнче Раҫҫейре Предпринимательсен кунне паллă тăваҫҫĕ.  Вăл чи ҫамрăк уявсенчен пĕри тесен те йăнăш мар.  Ăна  паллӑ тӑвасси ҫинчен калакан йышӑнӑва Раҫҫей Федерацийĕн Президенчĕ 2007 ҫулта алă пусса ҫирĕплетнĕ. 

Ҫĕршывра кăшăлвирус анлă сарăлнине шута илсе, кăҫал палăртнă мероприятине Чăваш Енре онлайн-ҫыхăну мелĕпе йĕркелесе ирттерме палӑртнă.

Видео-ҫыхăну мелӗпе йĕркелекен пулăма Чăваш Республикин Пуҫлăхĕн тивĕҫĕсене вăхăтлăх пурнăҫлакан Олег Николаев хутшăнать.  Кунсăр пуҫне регионти предпринимательлĕх ӗҫĕнче тăрăшакансем, вырăнти хăй тытăмлăх органĕсенче ӗслекенсем те асӑннӑ мероприятине хутшăнма пултараҫҫĕ.

Республикăри паллă ентешсем предпринимательсене професси уявĕпе саламлĕҫ. Тӳрĕ эфир вăхăтĕнче  ертӳҫĕсем «2019 ҫулхи чи лайăх предприниматель» республика шайĕнче йĕркелесе ирттернĕ конкурс ҫĕнтерӳҫисене палăртĕҫ, наградăсемпе хавхалантарĕҫ.   

Савăнăҫлă мероприятипе халăха Чăваш наци телекуравĕ паллаштарĕ. Кунсăр пуҫне  ӑна Олег Николаевăн https://vk.com/olegnikolaev21 социаллă сетĕнче ВКонтактра курма пулать.  

Тӳрĕ эфир 15:00 сехетре пуҫланать.