Çак эрнерен районсем хушшинче автобуссем чупма пуçларĕç, коронавируса пула вĕсене пĕр вăхăт çӳреме чарнăччĕ. Çуркуннепе çулла вара автобуссемпе усă куракансен йышĕ яланах ӳсет. Эппин, инкексен шучĕ те нумайланма пултарать. Вĕсене чакарас тĕллевпе çулçӳрев хăрушсăрлăхĕн инспекцийĕ тата транспорт министерстви рейдсем ирттереççĕ, автобуссен юсавлăхне, халăха турттарма ирĕк пуррине тата... коронавирусран сыхланмалли йĕркене мĕнле пăхăннине тĕрĕслеççĕ.