Пăкка пушатма - çыхăну!
Федерацин «Магистраль инфратытăмне сармалли тата модернизацилемелли комплекслă план» наци проектне М-7 çулăн Чăваш Енри сыпăкĕсенче те пурнăçлаççĕ.
Шупашкар районĕнчи Хыркассипе Явăш ялĕсен хушшинчи трассăпа иртнисем строительсем ĕç тунине асăрханă-тăр. 2023 çулта кунта Хыркассинчен пуçласа Кÿкеçе çитичченех тăсăлакан транспорт пăккине пушатма май паракан объектсенчен пĕрне — икĕ шайри çул çыхăнăвне — хута ярĕç. Вăл Хыркассипе Явăш хушшинче машинăсене светофорсăр тата хăвăртрах çÿретме май парĕ, Хыркасси — Шупашкар сыпăкри транспорт çул çÿревне те çăмăллатĕ. Хальлĕхе иккĕшĕнче те куллен пăкка лекнĕрен пурте вăхăта çухатаççĕ.
