Чăваш Енри шкулсенче 140 пин ытла ача вĕренет. Вĕсен шучĕ çулсерен ÿссе пырать. Çавна май ачасене пĕр сменăпа вĕрентес тесен хушма вырăнсем кирлĕ. 2024 çул тĕлне вара республикăри çулталăк çурăран аслăрах ачасен пурин те садиксене çÿреме майсем пулмалла. Ку енĕпе те регионта çине тăрса ĕçлеççе. Çĕне хула микрорайонта шкул çĕклеççĕ пулсан, Çĕрпӳре 240 вырăнлă ача сачĕ хута яма хатĕрленеççĕ.