Чӑваш Республикин хаклӑ ҫыннисем!

Сире Пӗтӗм Раҫҫейри ҫемье, юрату тата шанчӑклӑх кунӗ ячӗпе чун-чӗререн саламлатӑп!

Ҫемье – ҫыннӑн тӗп пуянлӑхӗ, ӑс-хакӑл управҫи тата кашнинех вӑй-халпа хавхалану кӳрсе тӑракан хӑватлӑ ҫӑл куҫ. Тӑван кил-йышран ҫывӑхраххи тата хаклӑраххи урӑх никам та ҫук, ҫывӑх ҫынсем пире яланах ӑн­ланаҫҫӗ, йывӑр вӑхӑтра пулӑшаҫҫӗ, телейлӗ пулма тата пурнӑҫ тӗллевне тупма пил параҫҫӗ.

Ҫемье хаклӑхӗсене ҫирӗплетесси, ашшӗ-амӑшне пулӑшу парасси, ачасене тивӗҫлӗ воспитани пама лайӑх майсем туса парасси малашне те патшалӑхӑн тӗп ҫул-йӗрӗсен шутӗнче пулӗҫ.

Сире пӗтӗм чунтан ҫемьере пысӑк телей, ҫураҫулӑх, ырлӑхпа юрату тата килӗшӳ сунатӑп!

Чӑваш Республикин Пуҫлӑхӗн

тивӗҫӗсене вӑхӑтлӑха пурнӑҫлакан                          Олег Николаев