Раççейре тăван чĕлхепе тухса тăракан хаçат-журналсене хавхалантарма çур миллиард тенкĕ таран укçа-тенкĕ уйăраççĕ. Çак тĕревпе хальхинче 700-е яхăн пичет кăларăмĕ усă курнă. Чăваш Енре пичетленекен хаçат-журнал та ку пулăшупа усă курма пултарать, кирлĕ хутсем çеç хатĕрлемелле. Çакăн пирки пĕлтерчĕ те паян Раççейри журналистсен канашĕн ертӳçи Владимир Соловьев Чăваш Республикин Пуçлăхĕпе Олег Николаевпа тĕл пулсан.