Çĕртмен уйăхĕн 12-мĕшĕнче çĕршыв, чи çамрăк патшалăх уявĕсенчен пĕрне — Раççей кунне уявлать. Чăваш Енре те ăна анлă паллă  тăваççĕ. Республикăра пурăнакан тĕрлĕ халăх çыннисем хăйсен культурипе паллаштараççĕ, çамрăксем флешмобсем йĕркелеççĕ тата ытти те. Чăваш патшалăх академи симфони капеллин хорĕ те ку пуçарăва хутшăнса Раççей Гимнне Хĕрлĕ тӳремре юрларĕ.