Чăваш Республикин Пуçлăхĕ Олег Николаев «Прибор тăвакан корпораци» пĕрлешĕвĕн ертӳçипе Сергей Сахненкопа тĕл пулчĕ. Икĕ ен малашне пĕрле тухăçлă ĕçлес çул-йĕре сӳтсе яврĕç. «Прибор тăвакан корпораци» тĕрлĕ наци проектне пурнăçа кĕртессипе тимлет. «Сывлăх сыхлавĕ» наци проекчĕпе килĕшӳллĕн çĕнĕ медицина хатĕрĕсене туса кăларассипе хальхи вăхăтра ăнăçлă ĕçлеççĕ. Вăл шутра сиплев, диагностика тата ытти çĕнĕ йышши медицина хатĕрĕ те. Кăшăллă вирус та урăхла тимлеме хистет. Усал мурпа кĕрĕшме кирлĕ оборудование юсас, çĕнетес, лайăхлатас тĕлĕшпе пĕрле ĕçлес сĕнӳпе корпораци ертӳлĕхĕ патне çырупа тухнă май Правительство çуртĕнче малашнехи ĕçсен çул-йĕрне сӳтсе яврĕç. Корпораци ертӳçи Сергей Сахненко тĕплĕн пĕрлешӳ ĕç-хĕлĕпе паллаштарчĕ, малашне пĕрле тăрăшассине палăртрĕ