Паян Правительство çуртĕнче граждансем коммуналлă хуçалăх ĕçĕсемшĕн хывакан тӳлевсен 2022 çулхи виçине пăхса тухрĕç.

ЧР Конкурентлă политика тата тарифсен патшалăх службин ертӳçи Надежда Колебанова пĕлтернĕ тăрăх, хаксем 2022 çулхи утă уйăхĕн 1-мĕшĕнчен хăпараççĕ. Республикăри 265 муниципалитетра ӳсĕм 3,4 процентпа, 11 муниципалитетра 5,4 процентпа танлашĕ. «Чăваш Енре ӳсĕм Раççей Федерацийĕн Правительстви палăртнă виçерен пысăкрах пулмĕ», — терĕ вăл.