«Окоп чавасси питĕ пĕлтерĕшлине пурте ăнланнă. Пĕтĕм вăй-хала парса ĕçленĕ. Тăшман пирĕн пата çитесрен питĕ хăранă». Етĕрне районĕнчи Хурамалăх ялĕнче çуралнă Феодосия Ивановнăн аса илĕвне И.Ульянов ячĕллĕ Чăваш патшалăх университетĕнче вулама пулать. Унта Сăрпа Хусан хӳтĕлев чиккисене тăвакансен ĕç паттăрлăхне халалласа «Чĕмсĕр чикĕ çĕклекенсем» сăн ӳкерчĕксен куравĕ уçăлчĕ.