Чăваш Республикин Пуçлăхĕ çумĕнчи халăх канашĕн çĕнĕ йышне çирĕплетни çур çул кăна-ха. Унăн пайташĕсем тĕрлĕ ыйтăва татса парас тесе кĕске вăхăтрах нумай ĕç-пуç туса ирттернĕ. Черетлĕ тĕлпулура вĕсем экономика отраслĕ валли кадрсем хатĕрлесси, муниципалитетсенче энергипе тухăçлă усă курмалли ĕçсем ирттермелли пирки калаçрĕç. Юлашки çулсенче халăха канăçсăрлантаракан çивĕч ыйтăва та хускатрĕç — районсемпе хуласен пуçлăхĕсене суйласси?