Пурлăха кăна мар, сывлăха çухатасран та сыха пулмалла. Çурхи кунсенче уйрăмах. Кăшăллă вирус çеç мар, сывлăш çулĕн ытти чирĕсене çаклатас хăрушлăх та пысăк. КОВИД пирки калас пулсан, кунсерен республикăра 40-45 çын чирлет. Ытларах Шупашкарта, Улатăрта, Хĕрлĕ Чутай, Елчĕк районĕсенче  пурăнакансем аптраççĕ. Кун пирки кăшăллă вирус инфекцийĕ сарăлассине чарас енĕпе ĕçлекен ятарлă штабăн черетлĕ ларăвĕнче пĕлтерчĕç. Вăл эрнекун пулчĕ.