Чăваш Енри транспорт прокурорĕн ĕçне малашне Александр Кудряшов пурнăçлĕ. Ăна республика ертӳçипе Олег Николаевпа Атăлçири транспорт прокурĕ Дмитрий Конош паллаштарчĕ.

Александр Кудряшов Шăмăршă районĕнче çуралнă. Прокуратура тытăмĕнче 2003-мĕш çултанпа ĕçлет. Малтан Чăваш Енре транспорт прокурорĕн пулăшуçи пулнă, кайран Мари Элта прокурор лавне туртма пуçланă. Паян транспорт тытăмĕ хăвăрт аталанса пырать, çавна май час-час саккунсем те улшăнаççĕ. Харушсăрлăх ыйтăвĕсене те çĕнĕлле тимлемелле. Олег Николаев çак ĕçре Александр Кудряшова ăнăçу сунчĕ.