Шупашкар-Чăваш Ен епархийĕ 75 çул тултарчĕ. 1946-мĕш çулта Мускав тата пĕтĕм Руç патриархĕ I Алексий хушăвĕпе Шупашкар-Чăваш Ен епархи йĕркеленсе кайнă. Çак кунтан чăваш епархийĕн историйĕ çырăна пуçланă. Пысăк пулăма халалласа чăваш патшалăх оперăпа балет театрĕнче чаплă уяв пулчĕ. Унта Республика Пуçлăхĕ Олег Николаев та хутшăнчĕ. Шупашкар-Чăваш Ен епархине 75 çул  тултарнă ятпа республикăра тĕрлĕ мероприяти йĕркелесе паллă турĕç. Шупашкар тата Чăваш митрополичĕ Савватий пухăннисене уяв ячĕпе чунтан саламларĕ. Турра пăхăнса халăхшăн ĕçлекенсене хисеп хучĕсемпе тата парнесемпе чысларĕç. Чăваш Республикин Пуçлăхĕн хушăвĕпе - кăмăл-сипет, тĕн,  йăла-йĕркене упрама тата ăна аталантарас ĕçре сумлă тӳпе хывнăшăн Муркаш тата Шупашкар районĕнчи чиркӳ настоятелĕсене «Чăваш Республики умĕнчи çитĕнӳсемшĕн» орден медальпе чысларĕç.