Паянхи кун савăнăҫлă лару-тăрура Чăваш Республикин Пуҫлăхĕ Олег Николаев Студентсен кунĕ ячĕпе халалласа ирттернĕ мероприятинче 29 хĕрупраҫа наградăсем парса хавхалантарнă. Вĕсем пурте Таня ятлă пулнă имĕш. Пултаруллă ҫамрăксем пĕтĕмĕшле вăтам пĕлӳ паракан шкулсенче, аслă шкулсенче ăс пухаҫҫĕ, медицинăра, спортра, культурăра та ĕҫлекенсем сахал мар вĕсен йышĕнче. Палăртма кăмăллă, хĕрупраҫсем тĕрлĕ ăмăртусенче мала тухса, ыттисемшĕн чăн-чăн тĕслĕх пулса тăнă. Пĕлтĕр вĕсем наука конференцийĕсенче, фестивальсенче ҫĕнтерӳҫĕ ята тивĕҫнĕ, республика чысне хӳтĕленĕ.

Паян Чăваш Ен Пуҫлăхĕ Олег Николаев вĕсене ятарлă стипенди илме тивĕҫлĕ пулнисене, свидетельствăсем парса хавхалантарнă, сăмах май, Студентсен кунĕ ячĕпе ăшшăн саламланă.

«Обществăра яланах студентсем малти вырăн йышăннă. Студент ҫулĕсем - чи ҫутă ĕмĕт-тĕллевпе хăюллă шухăшсен тапхăрĕ. Калас пулсан, пирĕн республикăри ҫамрăк яш-кĕрĕм чылай проектсене пурнăҫа кĕртсе пырассишĕн хастар тăрăшать. Вĕсен пуҫаруллă ĕҫĕсене тĕрев парса пулăшаҫҫĕ патшалăх енчен. Калăпăр, пĕлтĕрхи ҫул 41 ҫамрăк гранта-патшалăх пулăшăвне тивĕҫлĕ пулнă. Вĕсем пурĕ 33 млн тенкĕлĕх проектсене пурнăҫа кĕртнĕ», – тесе пĕлтернĕ хăйĕн сăмахĕнче регион Пуҫлăхĕ. Чăваш Республикин Пуçлăхĕн стипендине тӳлени паха, ҫамрăксен йышĕ Чăваш Енре ӳссе пыни куçкĕрет. Стипенди тенĕрен, çамрăксене пултарулăхри ăнтăлушăн паракан стипендипе çыхăннă çĕнĕлĕхе те аван. 

Ҫулсерен Чăваш Ен представителĕсем ҫамрăксен форумĕсене хутшăнаҫҫĕ, пысăк ҫитĕнӳ тăваҫҫĕ. 2021 ҫулта Федерацин Атăлҫи округĕнчи «iВолга» форумра Чăваш Республикин ҫамрăкĕсем 1,6 миллион тенкĕлĕх 5 грант ҫĕнсе илнĕ. Пĕтĕм Раҫҫейри «Студентсен ҫуркунни» фестивальте Чăваш Ен делегацийĕ 11 наградăна тивĕҫнĕ, ҫĕрышври 77 регион хушшинче ТОП-10 шутне кĕнĕ. Кун пирки ырă хыпара тепĕр хут палăртса каланă Чăваш Ен Пуҫлăхĕ. Кунсăр пуҫне Чăваш Республики обществăлла проектсене пурнăҫа кĕртессипе Атăлҫи федераци тăрăхне кĕрекен регионсем хушшинче виҫҫĕмĕш вырăна тухнă.

«Паянхи кун мĕнпур ҫамрăк яш-кĕрĕме мухтаса тав сăмахĕсем калас тетĕп. Малашне те тĕрĕс ҫул-йĕрпе пыма сĕнетĕп, пурнăҫ ҫулĕ такăр та чыслă пултăр. Тăрăшса ĕҫлесен, яваплăха туйса пурăнсан кăна ҫитĕнӳсем патне ăнтăлма пулать. Чи кирли – яланах ырă тăвас текен шухăша пуҫра тытни. Палăртнă тĕллевсем патне ҫитессишĕн кулленех ырми-канми тăрăшмаллине те манма юрамасть. Пурне те тапса тăракан вăй-хал, ăнăҫу, ăнтăлу сунатăп», – тесе сăмаха ҫавăрса каланă Чăваш Ен Пуҫлăхĕ Олег Николаев.

Фестивальсемпе форумсем, ҫамрăксен слечĕсемпе социаллă проектсем - пĕр пулăм студентсем хутшăнмасăр иртмест. Ҫакă та питĕ пĕлтерĕшлĕ.
Республика Правительствине пысăк тимлĕх уйăрнăшăн, Чăваш патшалăх аграри университетĕнче аспирант пулса вĕренекен Татьяна Иванова, вăлах наукăпа практика конференцийĕсенче ҫĕнтерӳҫĕ ята тивĕҫлĕ пулнă хĕрупраҫ, ҫакнашкал пысăк пулăшу парса пулăшнăшăн савăнса тав тунă. Кун пек пархатар ӳлĕмрен те ҫитĕнӳсем тума витĕм кӳрессе шанса каланă.